الاقصى
من أفضل ما كتبت >> مفهوم الدولة الدينية - تجربتي مع الجيش - فرق الموت الشيعية - يحبهم ويحبونه - خاطرة دعوية

ديسمبر ٠١، ٢٠٠٦

** ديبو: قارئ المدونات **


السلام عليكم

======تحديث======

==== موقع إفحت ====

================


أخواني وأخواتي المدونون ..

من فترة و انا بحاول احل مشكلة بتقابلني بشكل شبه يومي عندما أحاول قراءة المدونات .. غالبا ما بادخل عند منال وعلاء للتطلع لجديد المدونين .. المشكلة اني غالبا ما باتكعبل فيما لا يستحق القراءة أو ان نوعية التفكير غير محترمة أصلا .. و اتهيألي دي مشكلة ناس كتير ..

الحل السهل ان الواحد يستعمل برنامج أجريجيتور شغال على لستة من المدونات المحترمة .. و عن طريقه يستطيع قراءة ما هو جديد ومحترم بغير تضييع الوقت ..

ماطولش عليكم .. البرنامج سميته " ديبو – قارئ المدونات" .. و يتم تحميل ملف opml به بعض المدونات المحترمة والهادفة .. غير مقتصر على اتجاه معين .. لكن مقتصر على ما هو محترم! لو شايف ان فيه مدونات تستحق الاضافة .. قوللي .. ولو شايف العكس برده قوللي ..

ياريت تنزل البرنامج .. لو عجبك .. يبقى ياريت تحط اعلان ليه في مدونتك (صورة صغيرة على الجنب حجم: 150 في 195) زي اللي عندي في الجنب

لينك التنزيل: - 4،4 ميجا-
Deebo-installer.exe

كود الاعلان:

<div align="center">
<a href="http://eldeebs.blogspot.com/2006/12/blog-post_01.html">
<img border="0" src="http://files.myopera.com/eldeebs/files/Deebo_Reader_sidebarFlyer.gif" />
</a>
</div>


بعض مميزات البرنامج:
• واجهة سهلة الاستخدام (انجليزي - عربي)
• سهولة إضافة وإزالة المدونات من قائمة البرنامج
• عند وصول تدوينة جديدة تظهر بوب أب للتنبيه(مثل الماسنجر)
• استيراد وتصدير opml
• ارسال تدوينة كإيميل مباشرة من البرنامج

وإليكم بعض الصور من البرنامج:



خلاص : التدوينة خلصت .. ياريت تجربوا البرنامج بجد .. و انا مستنى اقتراحاتكم .. فدي رؤية أولية ممكن مناقشتها وتغييرها ..

السلام عليكم

129 تعليقات:

شــــمـس الديـن يقول...

البرنامج مبداا حلو
بس هأخد وقت لحد ما اتعود عليه

يالمناسبة ...هو حضرتك اللي مصممة ؟؟؟

لو كان كدا يبقي ماشاء الله عليك بجد
ربنا يحميك

بس هو انت من المفترض هتدخل الجيش امتي ؟؟؟

الديب يقول...

أولا بلاش "حضرتك" .. للاسف انا مش اللي عامله .. انا بس عال الصور والايكونات .. و عدلت شوية في التعريب..

بخصوص الجيش..
كشف الهيئة(أملي الاخير)يوم التلات ..و بعدين هاخش في شهر يناير ان شاء الله

Abdelnasser يقول...
أزال المؤلف هذا التعليق.
Unknown يقول...

أرجو أضافه مدونتى الى قائمتك
www.mayehkomsh.blogspot.com

أبو عمر - الصارم الحاسم يقول...

جزاك الله خيرا ...فكرة رائعة ربنا يثيبك عليها


ونصيحتي لك ..اتعامل مع الجيش بسياسة الاستفادة من الكوارث وخد نية فيه


ادعي ربنا قوي انك تروح حتة ليها لازمة دنيا وآخرة واتوكل على الله ...اون شاء الله ما تكونش سنة ضائعة وتكون سنة مفيدة

HANY يقول...

أخى الكريم :

جميل أوى انت أشرت للموضوع ده , وجميل انه يبقى فيه قائمة بالمدونات المحترمة , والموثوقة , وكان هيبقى جميل برده , لو كنت لقيت لينك لمدونتى فى البرنامج

وتقبل تحياتى وأسمع سلام يا برادعى

غير معرف يقول...

لا اعرف كيف اشكرك علي البرنامج فكنت ابحث عنه طويلا واريد ايضا الاسكربت الي بيعمل نفس الفكرة علي المواقع

yara يقول...

فكرة جامدة منك ولاهى
أصل فعلاً الواحد كان بيتقرف بقصص غريبة على ما يلاقى حاجة عدلة
مثلاً اللى وهو بيغسل سنانه الصبح أكتشف ان السنان من أعمق ما يمتلكه المرء
و اللى اكتشفت ان الزواج العرفى المتضررة الوحيده منه هى المرأة
و اكتشفات كده قال ايه بقوا عباقرة بيهم
المهم كويس انك ريحتنا
بس ميين اللى ها يحدد الحلو من الوحش ؟؟
ثانياً فى مدونة حلوة قوى بقراها
www.monasamar.blogspot.com

eldoctor يقول...

برنامج جميل . كنت اتمنى تضيف المدونة بتاعتى لملمجموعة الجميلة اللى انت حاططها

غير معرف يقول...

تحية الديب
شكرا على البرنامج الجميل
وعلى ماتقدم، ربنا يسمع ندائك في ما تدعو له
مع تحياتي

ياء يقول...

برنامج رائع
جزاك الله خيرا

غير معرف يقول...

شكراً با عم الديب
على البرنامج وعلى التعريب
............

ورينا يسهل ومتبقاش دفعة

على العموم الجيش للرجالة

ولو عاوز واسطة علشان تخش الجيش قولهم أنك مدون

إيمــــان ســعد يقول...

السلام عليكم
تمام اوى البرنامج ده

انا فعلا كنت بدأت اتخنق من عدم وجود الوقت الكافي لمتابعة ما في المدونات المحترمة

جزاك الله خيرا على المجهود في تصميمه
و بالمناسبة مدونتك ايضا جيدة للغاية


تحياتي

ana ga3an يقول...

لم اكن اتوقع ان مدونتي بهذة الاهمية و تستحق ان تكون في اي برنامج
حتي و ان كان برنامج تنظيم الاسرة
ربنا يكرمك يا سيدي و تشوف ديبو
بيتنطط حواليك

سؤال فني
فلنفترض ان في مدونة عاجباني و عايز اضيفها
او كل واحد مشغل البرنامج عايز يضيف مدونات جديدة
هل دة ممكن
ولا اية

الديب يقول...

السلام عليكم جميعا يا شباب

===============
خالد الاسكندراني
هاني
يارا
كبير المتشردين
الدكتور

أولا اشكركم على مشاركاتكم ..
:)

انا اسف لعدم وجود مدوناتكم في البرنامج بشكل افتراضي في الوقت الحالي ..
لكن اعدكم انني ان شاء الله هاضم مدوناتكم .. ومدونات كتير تانية .. لكن عايزين يتصنفوا الاول .. عشان مايبقاش الوضع سداح مداح زي عند منال وعلاء ..
أما سؤالك يا يارا .. باذن الله انا مع الاشتراك مع كام مدون تاني هانحدد الحلو .. و نستثني كل من يخالف باسلوب الفاظه ان كانت جارحة او خارجة .. او ليه افكار متطرفة ... لادينية او الحادية ..

و اللي عايز يقرا مدونات من الانواع دي .. انا اكيد مش هاساعده بالبرنامج ديبو

----------
الصارم الحاسم
أومرزوك
ياء
هلال
بنت سعد

جزاكم الله خيرا كثيرا .. وابقوا عدوا كده وسمعونا صوتكم ..

-----------
انا جعان

الباشا الكبير ..

انت لو نزلت البرنامج هاتلاقي أوبشن اسمه
new >> Feed
اختصارا .. دوس
F3
و بعدين تكتب عنوان المدونة اللي عايز تضيفها .. مثلا
http://www.anaga3an.blogspot.com/

مش لازم تكون عارف عنوان الفيد ..البرنامج هايجيب العنوان ..او هايخيرك بين العنوانين الموجودة بالموقع .. يستحسن تختار ال
atom feed

بس كده ..
بس طبعا المدونة المضافة هاتكون عندك انت بس .. مش هاتظهر عند الناس

و مممكن طبعا تشيل الفيدز اللي مش عجباك ..
ولو كنت بتستعمل ريدر غير ديبو .. ممكن تحمل كل المدونات المفضلة بتاعتك عن طريق
File >> Import OPML

وأي خدمة يا ريس

=========

السلام عليكم

غير معرف يقول...

برنامج حلو بس للاسف مفيهوش اوتوابديت او اي كونكت لداتا بيز علي موقع علشان حد يعرف يضيف مدونات وتظهر عند الناس كان نفسي اضيف مدونتي ومدونات تانية بحترمها عليه
بس للاسف مش بايدي برنا يوفقك

الديب يقول...

فيه يا باشا

أمال هو بيجيب المدونات الافتراضية منين؟

من داتا بيز .. اللي هي opml
على موقع بتاعي ..

ياريت تساعدني ..
ممكن تجمع كل المدونات اللي بتحترمها ..
وياريت تصنفهم ..

وتبعتهم هنا ..
وان شاء الله .. هاحطهم كلهم .. متنظمين .
يعني مش كل المدونات هاتبان تحت عنوان "مدونات" .. لا لكن هايكون فيه تصنيفات جديدة ..

مستني اسهاماتك

السلام عليكم

شوقى رجب يقول...

فقط اقول لك
جزاكم الله خيرا
البرنامج من وجهة نظرى روعه وموفر للوقت والجهد
اكرر جزاكم الله خيرا

غير معرف يقول...

الاول احب اقولك سلام الله عليكم ورحمته وبركاته اسف اني اتاخرت عليك في الرد
ودي مجموعة المدونات اليومية بتاعتي مصنفة زي ما انت طلبت ولما محتاج اكتر قولي واديني كام يوم هجمعلك كل البلوجات المحترمة الي اعرفها بس انت تقول

وفي محاولات كتير لكده منها مدونة الشامل ودي كانت محاولة محترمة بجد رغم انها بتعتمد علي مجهودات فردية

الديب يقول...

الاستاذ شوقي
جزانا وإياكم

كبير المتشردين
فين يا سيدي ؟
.. وردا عليك .. ايوة انا محتاج كل المدونات المحترمة اللي بتقراها .. فيه اكتر من مدون معايا بنساعد بعض .. ياريت تكون معانا.. عندك ايميلي في البروفايل..يايت تبعتلي عليه
و بجد .. جزاك الله خيرا كثيرا

غير معرف يقول...

انا اسف اني اتاخرت عليك انا جهزت الليست بتاعة المدونات الي بقراها يوميا بس مش لقيت الايميل و كمان صعب انها تتعمل في رد اما بالنسبة لمحاولات التجميع سيبك من المجمع المصري والمدونات المصرية وعلاء ومنال لانها بتلم كل حاجة وجرب الشامل شوفه بجد هيفيد جدا واهو اللينك لو مش معاك
http://arabblogcount.blogspot.com/
بس مش عارف الاضافة ليه ازاي علشان كده مش ضفت مدونتي عليه

غير معرف يقول...

بجد شكرا على البرنامج ده ..انا فعلا كنت محتاج واحد زيه ..

الديب يقول...

كبير المتشردين ..
وصل يا باشا ..
شكله كويس ومحترم فعلا..

جزاك الله خيرا

Waleed Fareed يقول...

شكرا اخي الكريم علي موضوعك المهم وبجد ربنا يجزيك بيه خير
www.noheal.blogspot.com

Waleed Fareed يقول...

أرجو شرح البرنامج لانه مبيحملشي بصراحة اي حاجة
وجزاكم الله خيرا مرة أخري

Islam يقول...

شكرا قوييييييييي
عرفني علي مدونات محترمة و أفادني كثيرا في مدونتي

علا من غزة يقول...



برنامج مبتكر ومفيد جدا

كل الشكر على توصيله لنا واكيد قمت بإضافة اعلانه في صفحتي

كل الشكر والتحيات لك

اروي الطويل يقول...

بصراحه برنامج تحفه ان شاء الله الاعلان بتاعك عندى
لالالاا مش هاخد فلوس لا ما تحلفش خلاص هنتاجر يعنى انا فاتحها زكاه عن صحتى خلاص بقى
هىهىهىهىهعهعهع
على فكره فى مدونات كتير اوى حلوه
واحد من الناس
سوسة المفروسه
عاوزة اتجوز
لالا مدونتى ايه بس دى وحشه خالص
خلاص بقه ما تحرجنيش تؤ خلاص بقى طب ما شى حطها ما فيش مشكله

SomeOne يقول...

من مبرمج مبتدأ
بجد مجهود هايل
احنا عاملين مشروع مكمل لمشروعك
هو عبارة عن مدونة تحوي جميع اسماء المدونات العربية
ياريت لو نتعاون
يا سلام لو تضيفنا في برنامجك
يبقى البرنامج عبارة عن اسم مدونة ارشيف
واسماء مدونات اخرى تستحق القراءة

مشروعنا لسه عمره يومين
ولسة اللستة فاضية
http://arabblogs.blogspot.com/

راسلني
za_shady@yahoo.com

ولكم جزيل الشكر

تحياتي

واحـــد مـــــن الـنـــاس يقول...

لو سمحت يا اخي الكريم
انا كل ما احط تعليق عندك
تاني يوم ملاقيهوش
حضرتك بتحذف تعليقاتي ؟؟
ولا ايه ؟
لعل المانع خيرا

الديب يقول...

نهيل .. سيمو.. علا

نورتوني !


أروى
ربنا يخليكي .. وان شاء الله جاري اعداد لستة طويلة من المدونات المحترمة

شادي
عظيم يا ريس .. اكيد هانتعاون ان شاء الله

واحد من الناس
والله انت اول واحد يقولي الشكوة دي .. انا ماشيلتش غير تالت تعليق لانه من واحد قليل الادب

وأكيد ماشلتش تعليقك .. ولا شفته!

انا اسف .. بس اتأكد ان العيب مش من عندك

و احب اسمع تعليقك بقى !
:)

السلام عليكم

سيبها على الله يقول...

الاخ الفاضل الديب
والله فكرة هايلة ومجهود تُشكر عليه وكلها محاولات جادة لمحاولة معرفة المدونات الهادفة والتى تختص فيما تختص بالشأن المصرى ومشاكله التى اصبحت تؤرق كل وطنى فى هذة البلاد الظالم نظامها ..شكرا مرة اخرى وجزاك الله كل خير وبالتوفيق باذن الله تعالى

هبههههووب يقول...

السلام عليكم
انا بفتح مدونه احدى صديقاتى لاقيت الكومنت ومنه لاقيت المدونه دى
بس حقيقى بارك الله فيك على موضوع الينك بتاع تسهيل قراءة المدونات بجد حلو اوى
وجزاك الله كل خير
انا نفسى اشارك بالمدونه بتاعتى لو فيها موضوعات حلوة
http://hhaabbhhoobb.blogspot.com/

غير معرف يقول...

جزاك الله خيرا
أنا مستفيد جدا من البرنامج وهو وسيلتي الرئيسية الآن لقراء المدونات والأخبار
جزاك الله خيرا

رفقة عمر يقول...

برنامج جميل فعلا شكرا ليك كتير عليه

غير معرف يقول...

السلام عليكم ..

برنامج رائع أخى الديب .. وفقك الله ..

إذا زرت مدونت تجد ما فيها من مدونات مما يستحق أن يوضع فى البرنامج فعلا .. اعذرنى لأنى أكتب باقتضاب .. فما حولى لا يمكنك تخيله

السلام عليكم ، ووفقك الله .

غير معرف يقول...

بصراحة مش عارف ليه هكتب كومنت بس يلا مش مهم اهي غلاسة بقا استحمل وكل سنة وانت طيب

مُصْعَب إِبْرَاهِيم يقول...

أنا عن نفسي أستدم موقع netvibes لتتبع الـrss feeds التي أهتم بها...

لأنني أتعامل مع أكثر من جهاز فالأفصل بالنسبة لي أن تكون مستقلة عن الجهاز

البرقي يقول...

مجهود مشكور
جزاك الله خيرا
ارجو التكرم باضافة مدونتي

http://barqeyat.blogspot.com/

admelmasry يقول...

علي فكرة البرنامج رائع جدا

بس اسمحلي انا مش عارف اضيف مدونات انا شخصيا بتابعها

ولا دي لازم تتحط عن طريق الرومجرامر في صفحة الاكستيوت ؟

غير معرف يقول...

مجهود جميل تشكر عليه
ارجو ان تضيف مدونتي ان وجدتها تصلح
حسب وجهه نظرك
http://engamr.tadwen.net/

أحمد الشمسي يقول...

فكرة ممتازة وبما أن الشيء بالشيء يذكر، يبقى أتمنى انك تضيف كمان تجمع مدونات السبنسة... تقدر تاخد عناوينهم من مدونة الغريب
http://elgharep.blogspot.com

None يقول...
أزال المؤلف هذا التعليق.
None يقول...

لسلام عليكم
بجد فكره جامده جدا
بس طبعا فى مدونات تستحق مش موجوده
زى مدونه بنت مصريه
http://bentmasreya.blogspot.com//
وسوسه المفروسه

http://www.soosamafroosa.blogspot.com/
ويلا مش مهم
http://yallameshmohem.blogspot.com/

ومن غزه
http://fromghazza.blogspot.com/
ول مدونات بجد جامده جدا ياريت توشوفهم

انا ضفت الاعلان فى المدونه عندى
وسلااااااااااام

labido يقول...

شكرا جزيلا ياعم الديب
بصراحة اكتر من رائع
وجزاك الله كل الخير
وجعله في ميزان حسناتك يوم يقوم الاشهاد لرب العباد
وحطنا ياعم علي القائمة

الأميره أوسه يقول...

البرنامج سهل الأستخدام
وأن كان هناك الكثير من المدونات غير موجوده به
أعرف أن أضافة المدونات يحتاج وقت
ربنا معاك
أحترم وجهة نظرك فى عدم أضافة المدونات التى تحوى الفاظ تخدش الحياء
أو ماشابه
لكن تذكر أن ماتقوم به عمل جيد
ويحتاج الى موضوعيه بغض النظر عن أختلاف بعض المدونين مع وجهة نظرك حول بعض الموضوعات
أشكرك لدعمك للتدوين فى مصر
وأشكر كل من يساهمون معك فى هذا المشروع

النهر يقول...

برنامج جميل ومفيد جدا و موفر للوقت و شكرا جزيلا مع الدعاء بالتوفيق و الزيادة فى الخير دائما

Diyaa' يقول...

حلو البرنامج بس أنا مبتدئ وحتي لو اشتغلت بيه .( انا مش عندي جهاز فبدخل من سايبرات ) مش هعرف أحط الإعلان عنه
بحييك علي البرنامج والمدونة ويا رب أملك الأخير يكون فيه خير ليك

عمر عاشق القرآن يقول...

ارجو اضافة مدونتى
http://omar-masry.blogspot.com

البرنامج جميل

شكرا

noOr يقول...

السلام عليكم ..

مش عارفة انا قلتلك و الا دى اول مرة اقول ان البرنامج هايل جدا جزاك الله كل خير و انا بنصح بيه كل اصحابى اللى عاوزين يقروا مدونات قيمة

كان ليا سؤال بس
يا ترى ينفع انا اضيف مدونة عجبتنى للبرنامج ؟

و شكرا لك

ibn nasser - ابن ناصر يقول...

اولا احب اشكرك يا ديب علشان هدفك السامي اللي عملت المدونه من أجله ويا ريت تشزور مدونتي وتقولي هل تستحق أن تكون في برنامجك ومنتظر تعليقك عندي في المدونه انشاء الله
http:\\ibnasser.blogspot.com

غير معرف يقول...

كنت عايز اضيف مدونة او اكتر
هل شرط اني اضيفها عندي انا بس

بقترح انك تعمل ليست لطلبات الاضافات

وتبقي تبص على المدونات اللي طالبة التسجيل
كويسة كان بها مش كويسة خلاص

اولا يسبقي البرنامج بيساعد على نشر المدونات المحترمة
بالاضافة لتجميعها في مكان واحد

في مدونات محترمة ظهرت بعد البرنامج
وفي مدونات محترمة موجوده ومش مضافة

ياريت تفكر في الموضوع ده

dr.mohamed يقول...

فكره جامده
ربنا يكرمك
ديه مدونتي (بحب مصر
http://bahebmisr.blogspot.com/
لو عجبتك يريت تحطها

محمد حمدي يقول...

ضيفنى عندك

http://demaghy.blogspot.com

غير معرف يقول...

أرجو تصغير الاعلان حتىاتمكن من الدعاية له و شكرا
nbeeh.m@gmail.com

الديب يقول...

الاعلان حجمه صغير فعلا .. مش محتاج اي تغيير ..

لو انت عندك مقاسات مختلفة .. صغر الاعلان بنفسك على مقاساتك ..

السلام عليكم

غير معرف يقول...

بسم الله
أشكرك بشدة على هذا البرنامج، وبارك الله فيك إذ جعلته متاحا للآخرين :)

Bella يقول...

شكرا على البرنامج المفيد

ممكن تضيفني

http://afkaar-bella.blogspot.com/

To a friend يقول...

الف شكر علي البرنامج بجد كنت محتاجاه ..شكرا (تاني)0

Ehab Emaddin يقول...

كنت عايز اسأل في كيفية رؤية الآخرين لمدونتي ؟

اكيد السؤال ده اتسأل في الألف رد اللي فاتوا

بس صعب جدا ان ارجع للردود كلها
يعني !!!


شكرا

انا ضفت الشعار بتاعك في مدونتي
و عملت انستال للبرنامج
و متابع
شكرا جزيلا جدا يا سيد ديب :)
و ياريت تشرفني في مدونتي
شكرا جزيلا
احترامي ,,,

الديب يقول...

مورسيس باشا

لما عملت انستال .. لاقيت حبة مدونات .. هما دول المدونات الافتراضية اللي البرنامج بيبدأ بيهم ..

ممكن كل واحد يزود مدونات تانية براحته

لكن اي حاجة انت بتزودها مش هاتظهر عند حد تاني ..

الفكرة بسيطة

ربنا يسهل .. لما الاقي وقت يعني .. هاقوم بتصنيف مدونات تانية كتير .. لان في كتير اوي يستحقوا النشر عبر ديبو .. و يكونوا من المدونات الافتراضية هما كمان ..

ربنا يسهل !

السلام عليكم

غير معرف يقول...

عزيزي البرنامج أكثر من رائع :) ولقد حاولت أن أضع الاعلان عدة مرات ولكن لسبب ما لم أفلح !

لا أدري هل المشكلة في الكود ام في المتصفح أم ماذا ؟

تحياتي

ibn nasser - ابن ناصر يقول...

انا هاحط لك الاعلان عندي أهو ,,
يا ريت تسجلني ...شكرا وارجو الرد

غير معرف يقول...

فكرة محترمة
مدونتي تربوية
هل تتكرم وتزورها ثم
تضمها
لديبو
السعيد الفقي
http://al-saiid.maktoobblog.com

المهـ إلي الله ـاجر يقول...

السلام عليكم

جزك الله خيرا برنامج رائع وسهل

أنا مدونتي مدونة دينية بشكل سلس وبسيط ومواضيع بتناول جديد

http://noor-alhyah.blogspot.com/

جزاك الله خيرا

المهــ إلي الله ــاجر

خمسة فضفضة يقول...

السلام عليكم ورحمة الله وبركاته

شكرا جزيلا علي البرنامج اللي اعتقد انه حل مشكله كبيره اوي
بدأت في تحميله، وان شاء الله احط اللينك في مدونتي

شكرا مره تانيه

Unknown يقول...

الينك مش شغال
اعمل اية

غير معرف يقول...

السلام عليكم
مش عارف أنزل البرنامج .. بيديني الرسالة ده
You don't have permission to access /eldeebs/files/Deebo-installer.exe on this server.

الديب يقول...

اسف على العطل

اللينك تم اصلاحها

yasmina يقول...

ارجو ان تزور مدونتي وتضيفني عندك

kalemat48.blogspot.com

Eng.Mostafa Masoud يقول...

جزاك الله خيرا علي الجهد المبذول
برجاء اضافة مدونتي أنا حر علي البرنامج

http://ana-hor.blogspot.com/

كلبوزة لكن سمباتيك يقول...

السلام عليكم
ربنا يكرمك على مجهودك و يصلح حالنا و حالك

عندي رجاء
لما عملت دون لود للبرنامج و جيت اعمل رن بعد الدون لود طلعتلي رسالة بتقول:
this file contains invalid data
و انا دوست اوك
و طبعا مكملش التسطيب
العيب عندي في اية؟
ارجو الرد

الديب يقول...

وعليكم السلام سامباتيك

والله مش عارف خالص .. معلش جربي تعملي داونلود تاني ..

لا انا ولا حد اعرفه واجه المشكلة دي قبل كده ..

لو اتكررت يياريت تقوليلي بالظبط السيناريو ..

Reemo يقول...

انا عجبنى البرنامج وهنزل اعلان له عندى فى المدونه
تحياتى

الديب يقول...

ميرسي بوكو

غير معرف يقول...

اخي انا نزلت البرنامج فقط لاجل ملف المفضلة و لم اجده فهل يمكن رفع ملف opml
من جديد و تحياتي لك

الديب يقول...

http://files.myopera.com/eldeebs/files/dr.opml

yasmina يقول...

الديب
انا عملت تنزيل
وحطيت الدعاية عندي بس مش عارفة هي مدونتي موجودة فيه ولا؟

الديب يقول...

ياسمينا ..
رغم اني رديت على السؤال ده كتير اوي.. لكن اهه
--------------------------------
new >> Feed
اختصارا .. دوس
F3
و بعدين تكتب عنوان المدونة اللي عايز تضيفها .. مثلا
http://www.anaga3an.blogspot.com/

مش لازم تكون عارف عنوان الفيد ..البرنامج هايجيب العنوان ..او هايخيرك بين العنوانين الموجودة بالموقع .. يستحسن تختار ال
atom feed

بس كده ..
بس طبعا المدونة المضافة هاتكون عندك انت بس .. مش هاتظهر عند الناس
--------------------------

السلام عليكم

AbdElRaHmaN Ayyash يقول...

:) سلام عليكم
طبعا تعليقي هنا لا يعني ان دي اول مره اشوف الموضوع او اول مره اشتغل بالديبو ريدر
لكن انا بس كنت عاوز اسأل
انت مشفتش اي عيوب في البرنامج تستدعي انك تصدر نسخة تانية
:D بالمرة تدخل مدونتي فيها :P
بهزر :)
بس و الله فعلا
أكيد تحب تطور
المهم
السؤال التاني
بالنسبة للفرق بين الاتوم والار اس اس
مش عارف ايه الفرق
سلام يا اللي ما شاء الله عليه
سلام

الديب يقول...

أخي عبد الرحمن ...

اكيد في عيوب بسيطة .. لكن مش هاتقابل الناس في الحالة الطبيعية ..

واصدار نسخة جديدة مش من أولوياتي حاليا .. في مفاجأة كبيرة قادمة ان شاء الله ..هي دي اللي قاعد باحضرها من كام اسبوع ..

الفرق بينهم انا ماعرفوش بالظبط .. لكن هو فرق في الفورمات .. والاتوم احدث .. ومتوافق مع العربي بشكل افضل .. عشان كده انا بانصح بيه

shermen يقول...

هجرب البرنامج بس يارب ما يكونش تحميله تقيل لكن بداية الفكرة عجباني اوي جزاك الله خيرا

shermen يقول...

انا حملت البرنامج عندي
واضح انه برنامج حلو
لكن عاوزة أضيف شوية مدونات عندي أعمل ايه
؟؟؟؟؟؟؟؟؟؟؟

abunadem يقول...

اهلا اخ الديب
اطلعت على برنامجك الجميل وجربته ممتاز و عملي وعلقت عليه في مدونتي الناقد
رجاء لو تتطلع على فكرة فيه اخت مصرية عرضت منذ فترة حملة لما سمته التدوين النظيف وقلت لها ان برنامجك الرائع يحل المشكل
شكرا لك

darweshe يقول...

ارجو اضافة مدونتى
وشكرا
www.darweshe.blogspot.com

BaTresYa يقول...

ميرسي اوي على الفكرة الجميلة دي بجد ...هبقى اجربه ان شاء الله واوعدك لو عجبني احطة في مدونتي ان شاء الله وميرسي مره تانيه على الفكرة

Alaa يقول...

الله يباركلك يارب
رووعة

يا مراكبي يقول...

أنا فعلا جربت البرنامج وعجبني جدا .. وطبعا يسعدني الإعلان عنه

أحييك على المجهود الطيب ده

غير معرف يقول...

السلام عليكم


فكرتك رائعة
ربنا يبارك لك

واتمنى اضافة مدونتي


سلام

كراكيب عادل يقول...

فكرتة هايلة جدااا

انا جربتة من فترة بس مكنتش متعود علية ورجعت تاني لقيت انة فاتني كتير

ربنا يبارك فيك شكراا

ابقي ضيفني بئي :)

اسكندراني اوي يقول...

بصراحه انا لسه جديد في مجال التدوين ومش عارف فيه حاجه
عموما انا مدونتي اسمها اسكندريه
وممكن تشوفها وتقولي رايك لاني مش لاقي حد ياخد بايدي
خد بايدي يابني

www.eskndria.blogsopt.com

غير معرف يقول...

فكرة البرنامج رائعة جدا وكنت أود أن استخدمه لكن لم اتمكن من تحميله وما يتم تحميله هو صفحة ويب وليس البرنامج

هل من الممكن أن تساعدني في تحميله

محمود الدوح يقول...

اخى الكريم
لينك التحميل بايظ
ممكن تعدلة

الديب يقول...

فعلا ..

اصلي بانقل على سيرفر تاني

يومين بالكتير كده ان شاء الله

دعواتك

عقد الياسمين يقول...

جزاك الله خيرا

انا هجرب البرنامج و ارجع تاني اقول رأيي

تحياتي

حزيــــــــــــــــــن يقول...

انا اول مره ادخل عندك بس اللى يفكر بالاسلوب دا يبقى انسان محترم
اتمنى تزور مدونتى وتتعرف عليا من ارشيفى

تامر و منى يقول...

الف شكر يا ديب على جهودك الرائعة لتوصيل مثل هذا البرنامج الرائع
واتمنى مرورك الكريم على مدونتى
لك كل الشكر
تامر المهدى

Mohamed Moshrif يقول...

So where is the default list?

الديب يقول...

i posted it in a previous comment

امنية يقول...

جزاك الله خير
برنامج راااائع
فى طريقى لتعلم التعامل معه
جعله الله فى ميزان حسناتك

هند محسن يقول...

السلام عليكم و رحمة الله و بركاته
أ / الديب جزاك الله خيراً البرنامج تحفة و مفيد جداً
عايزاك تضيف مدونتي " هند .. عاشقة حتى النخاع "
و مدونة ملاقط
ومدونة مسلسل " حياتي دوت كوم "

و هأقولك على الباقي بعدين و شكراً .

أختك في الله
هند

الفقيرة إلى الله أم البنات يقول...

السلام عليكم
برنامج رائع
سؤال كيف اضيف مدونات اخرى
وجزاك الله خير

اللؤلؤة Nehal H Hamza يقول...

السلام عليكم
برنامج رائع فعلا
جزاك الله كل خير
وفي موازين حسناتك بإذن الله

لكن ليا سؤال
نفس سؤال أمنا أم البنات

ازاي اضيف مدونات؟

الديب يقول...

رغم اني رديت على السؤال ده كتير اوي.. لكن اهه
--------------------------------
new >> Feed
اختصارا .. دوس
F3
و بعدين تكتب عنوان المدونة اللي عايز تضيفها .. مثلا
http://www.anaga3an.blogspot.com/

مش لازم تكون عارف عنوان الفيد ..البرنامج هايجيب العنوان ..او هايخيرك بين العنوانين الموجودة بالموقع .. يستحسن تختار ال
atom feed

بس كده ..
بس طبعا المدونة المضافة هاتكون عندك انت بس .. مش هاتظهر عند الناس

كريم البحيرى يقول...

ابدى اولا اعجباى بالبرنامج ومدونتك
ثانيا ابدى اعجابى الشديد بعض مدونات زوراك اللى قاموا بالتعليق ان لم تكن الكل
وكنت اتمنى ان يكون مدونتى هى احدى مدونات برنامجك
ارجو زيارة موقعى وان لقيت به قبول ارجو اضافته
kareem elbehirey

http://yalhwy.maktoobblog.com
مدونة احترس وخلى بالك انت الان فى مصر يالهووووى
www.egyworkers.blogspot.com
مدونة عمال مصر

عصفور اسكندرية يقول...

السلام عليكم
ربنا يكرمك
برنامج ممتاز سهل وبيخليني اسرع في تصفح المدونات


http://mat7on.blogspot.com/

غير معرف يقول...

برنامج جميل جدا وبتسهل قراءة مدونات كتير فى وقت واحد شكرا ليك

غير معرف يقول...

مشكور كتير أخي على البرنامج أرجو إنك تضيف مدونتي عندك

http://www.islamic0.blogspot.com

غير معرف يقول...

اتمنى ان تضيف مدونتى فى البرنامج https://al7orya.blogspot.com

Mohanad Mokhtar يقول...

شكرا جدا البرنامج اكثر من رائع أرجو أضافه مدونتى فيه http://hayatshab.blogspot.com
وجزاكم الله كل خير

غير معرف يقول...

دعوة الى كل مستخدمين البلوق سبوت

1-
http://mbet0hm.wordpress.com/2007/12/16/wordpress/

2-
http://7lablog.com/archives/359#comment-1369

ولمعرفة طريقة الانتقال من البلوق الى الورد برس بدون ضياع اي موضوع لك

ادخل الرابط التالي
http://brhom.net/?p=274

ولان الورد برس احسن ندعوكم للانتقال الى حي الرخاء والراحه ..

****
وان كنت تريد ان تفتتح لك مدونة وماتعرف الطريقة
زور الموقع التالي
http://lacadette.wordpress.com/

جميع مستخدمين الورد برس بالخدمة

غير معرف يقول...

I don't know how to download the program , would you plz help ???

عاشــــــ النقاب ـقــــة"نونو" يقول...

جزاك الله خيرا اخي وربنا معاك في الجيش
اتمنى تزورني بمدونتي ولو لقيتها تستاهل حطها في البرنامج بتاعك
وجزاك الله خيرا

Bongo يقول...

برنامج جميل
جاري التجربة
بس اضافة المدونات بتكون علي اساس ايه ؟؟

أحمد منتصر يقول...

أنا على فكرة جيت أحمل البرنامج معرفتش

شوفلنا المشكلة إيه كده يا معلم :)

الديب يقول...

معلش يا فندم .. السيرفر نايم شوية

حبة وهايصحى على طول

غير معرف يقول...

جرب المدونة دى لو تستحق من وجهة نظرك ممكن تضيفها انا شخصيا ارى انها فعلا تستخق لانها نوعية جديدة وانا شخصيا استفدن منها جدا
وشكرا
http://day-days.blogspot.com

هبة النيـــــل يقول...

رغم اني لسه ما نزلتش البرنامج بس ربنا يكرمك على الفكرة بجد ماشاء الله رائعة

أومل ما احمله ويشتغل ان شاء الله هقولك

أختك هبة

حبارير يقول...

جزاك الله خيرا
هذه مدونتي لو تستحق
alsa3adah.blogspot.com
ومعها:انطلاقة
وأرشح بقوة هذه المدونات:
رؤية مستقبلية
بستان الحب
القلم الجريح
قلم حالم
حياتي أمل
صدفة في بحر
ستات موجوعة

غير معرف يقول...

I recieved these two messages to take urgent action. Please forward as much as you can.

Beware of the following websites:
1. www.answering- islam.org
2. www.aboutislam. com
3. www.thequran. com
4. www.allahassurance. com

These sites are among the thousands…You can find out more dangerous….
and have been developed to spread wrong information about the QURAN , the HADITH and the Islam
Please spread this information To all the known brothers and sisters around the world.
Al ways check the source of any Islamic web site even if it is very convincing
&
Beware of
A FAKE QURAAN


من: "al3wasem G"


*نداء عاجل جدا من المسجد الاقصى

الاخوة والاخوات ...
هناك أمر عجيب يحدث في المسجد الأقصى المبارك , أشجار السرو الواقعة في البستان
الغربي الجنوبي للمسجد أمام الداخل من باب السلسلة ومنذ ثلاثة أيام تتساقط
أوراق وحبات السرو وبشكل كثيف

وكأن جذورها قد أقتلعت من الأسفل حيث الحفريات الإسرائلية الجديدة تحت باب
السلسلة .

ارجوا تبليغ الأمر لكل المهتمين بالأقصى وها نحن نبلغكم وحسبنا الله ونعم
الوكيل.

هذه صور اشجار السرو هذه الايام ...


جميع اطراف هذه الأشجار وكأنها احرقت اصفرت وبدت عليها الهزل


وتزيد الفاجعة يوما بعد يوم وكأنها قد افرغت تماما من الأسفل وقد اذيبت كل
جذولها بل وقد تم قتلها عمدا

البساتين الخضراء داخل الأقصى تصرخ وهي تحترق والأنفاق قد تلوت اسفل منها
واصبحت قاب قوسين من الزوال

**ويسأل البعض هل دخلت الأنفاق إلى الأقصى ؟؟
ولكن السؤال هل بقي شبر في الأقصى لم يفرغ اسفل منه ؟!


*
*واسفاه على خضرتك وبساتينك يا اقصى
اين تلك الظلال الخظر والزهر هل فارقتنا إلى حتف بك ينتظر
زهر وزيتون واشجار تجمله قد دنت من فراق قد يكشف السر

لك الله يا اقصى لك الله يا قبلة المسلمين الأولى وقبلة العشاق الأبدية
ولا تنظر إلى عرب فقد سجدوا إلى رب ولكن في البيت الأبيض عرشه ينتصب
قد على وبغى بالكفر سطوته والسخط كل السخط عليك ينهمر *

Trees leaves are falling near AL Quds because of Israeli machines working (drilling) under the Mosque. This is dangerous for the Al Aqsa site as a whole. All historical sites are protected by international agreements.Can’ we do anything to stop this criminal act?
*E-Mail: ALI_SHAWKY11@YAHOO.COM
*
*E-Mail:ALI_ELBASYOUNY@HOTMAIL.COM

غير معرف يقول...

http://4muslm.blogspot.com
شبكة للمسلم الشاملة لخدمة الدين والمسلمين

doaa يقول...

السلام عليكم
فكرة حلوة انا نزلت البرنامج
ربنا يكرمك
أرجو إضافة مدونتي
http://fealtareeq.blogspot.com/
شكرا
دعاء

غير معرف يقول...

مدونة غزة عربية تساعدك لفعل شىء لغزة أولا كيفية التبرع بالمال و أماكن التبرع بها و كيفية التبرع بالدم وأماكنها أيضا, ثانيا مقاطعة المنتجات الامريكية والاسرائيلية , ثالثا الدعاء لهم بأن يثبتهم , رابعا توجد أرقام تليفونات للاتصال بأهل غزة, خامسا بعض الفديوهات و المقالات المؤثرة , سادسا تعريف الفوسفور الابيض وآثاره الصحية,سابعا ذنوبنا سبب تعسهم.
Gazaarab.blogspot.com

غير معرف يقول...

فكرة عبقرية جدا والبرنامج تحفة
وارجو اضافة مدونتي
www.fashions2you.blogspot.com

غير معرف يقول...

Thank you verey much for the beneficial informatin .

thanks.. good look

radiomoon vb

Hannoda يقول...

اللنك مش بيودي لحتة بيديني error

الشجرة الأم يقول...

حاولت تنزيل الملف لكنه لم يحول، وفكرته أجدها جميلة ومريحة

الكاتب احمد كاجوال يقول...

البرنامج غير موجود

مها العباسي يقول...

برنامج جميل جدا بس ليه مايكنش فى امكانيه ان احنا نضيف المدونات اللى نحب نتابعها اعتقد دا هايديلنا مساحه اكبر