نزل أوفيس 2007 دلوقتي
السلام عليكم
ياللا يا جدعان .. أونكل بيل جيتس عامل صدقة جارية!!
اوفيس 2007 لمدة شهرين مجانا .. و بسيريال من مايكروسوفت نفسها
والتنزيل من سيرفراتهم برده !
استنى .. خد(ي) الصورتين دول .. عشان ريقك يجري .. وبعدين ابدأ(ي) التنزيل
ده الوورد و الاكسل والباوربوينت ..
عشان تجيب الاوفيس..اعمل الاتي
1- ادخل هنــــا واختار أوفيس 2007 بروفشنال ..او اي حاجة انت تحبها
2- ابدأ في ملي البيانات .. قول انك من نيو يورك والرقم البريدي 12110 .. واضرب اي خيارات من عندك
3- هايظهرلك سيريال ولينكتين للداونلود .. نزل الاولى يا ريس
النسخة دي تجريبية لمدة شهرين
اكيد هايطلع حلول (كراكات) قبل ما المدة دي تخلص
اللي يعرف حل .. يقولنا
6 تعليقات:
طب و ايه لازمة وجع الدماع ده و أوبن أوفيس موجود.
يا عم سيبكوا بأه من مايكروسوفت, ماخدناش منها غير البلاوي :p
تصدق وتأمن بالله ؟
انت راجل بتفهم
فعلا ثقافة الاوبن سورس بشكل عام اكيد افضل من جوانب كتير .. امان ..مجانا..ومافيهاش فايروسات
بس النقطة يا محمد ان مايكروسوفت بتعرف تدلع الزبون
ده الفرق الوحيد
بس برده معاك حق
:)
لا اله الا الله
الله يخليك يا عم الديب أخجلتم تواضعنا :)
و الله اذا كانت المسألة دلع, ف أوبونتو مدلعة زباينها برضه. أعتقد ان البرامج مفتوحة المصدر دلوقتي اتطورت كتير عن زمان و معظمها تطور و أصبح بدائل حقيقة و قوية للمنتجات المغلقة سواء من مايكروسوفت أو غيرها.
يعني هو صحيح معظم البرامج المفتوحة مش "مدلعة" مستخدميها زي مايكروسوفت بس برضه التطور فيها سريع و في بعض الأحيان أسرع من المنتجات المغلقة (قارن فايرفوكس بانترنت اكسبلورر وانت تفهم قصدي) يعني المسألة مسألة وقت فقط.
معاك حق فعلا في مسألة ابونتو .. انا جربته .. فعلا ظريف
والفايرفوكس ..مقطع الاكسبلورر ..حتى عند مستخدمي الويندوز
بس انا لازلت باتكلم عن الاوفيس ..
بص .. دي تجربة مقارنة بين الاتنين ..
الاوبن اوفيس و مايكروسوفت اوفيس ..
هاتلاقي فرق كبير جدا في السرعة والأداء
.. بس نفس الوظائف والمهام
التجربة هنا
أنا معاك طبعا في ان سرعة و أداء أوبن أوفيس مش بنفس درجة مايكروسوفت أوفيس و ده شء محسوس و أي واحد جرب البرنامجين حيشوف الفرق. لكن أنا كان قصدي الإشارة الى أوبن أوفيس كبديل لمايكروسوفت أوفيس علشان راحة الدماغ من مواضيع السيريالات و الكراكات و كده يعني.
إرسال تعليق