الاقصى
من أفضل ما كتبت >> مفهوم الدولة الدينية - تجربتي مع الجيش - فرق الموت الشيعية - يحبهم ويحبونه - خاطرة دعوية

مايو 03، 2007

خاطرة دعوية


السلام عليكم ..

خاطرة سريعة ..
خلق الله السماوات والارض والجبال .. والانهار والبحار .. خلق عظيم .. يدل على قدرة الصانع البديع المطلقة .. فلماذا لم يخلق المساجد ؟ اليس البيت اول ما يتم بناؤه ؟

كان جواب احد الدعاه بأن سبحانه .. ترك هل العمل ليتشرف به من يضحي له .. يعني ربنا ترك المساجد ليبنيها عباده الصالحون .. فيتشرفون بهذا العمل .. فقد صح عن النبي صلى الله عليه وعلى آله وسلم أنه قال ( من بنى لله مسجدا يبتغي به وجه الله بنى الله له بيتا في الجنة )

وأكيد كلنا نفسنا نبني لله مساجد .. ونعمرها لو توافرت لدينا الطاقات المادية ..

طيب..
سؤال كمان ..
قال الله : " ولو شاء ربك لآمن من في الارض كلهم جميعا " .. فلم لم يهدهم ؟
اجاب ذاك الداعية: لنفس السبب ايضا .. ليبلوا الناس بعضهم ببعض .. وليترك شرف الهداية لمن اجتهد لها .. فمن جاهد في الدعوة الى الله .. اهتدى وربح .. و بحول الله ينال شرف نشر الهداية بين الناس .. كما فعل الانبياء من قبل ..

فعلينا جميعا الاسراع في هذا السباق، فكما قال الله " وسارعوا الى مغفرة من ربكم" .. " سابقوا .." .. "وفي ذلك فليتنافس المتنافسون" ..

ثم .. لنحاول معا تخيل صحائفنا يوم يتم عرضها علينا يوم القيامة .. متخيل هاتشوف فيها ايه؟ .. صلاة وصيام 50 سنة + 10 عمرات + حجة أو اتنين + كام الف صدقات + كام الف تسبيحة وذكر .. اليس كذلك ..؟؟ ولا انت متخيل ايه ؟ اتهيألي مش اكتر من اللي قولته !

طاب شوف لو كلمت واحد مش بيصلي عن الصلاة .. وفضل هو كمان يصلي 50 سنة .. يصبح رصيدك 100 سنة صلاة .. طاب لو كلمت 20 ... وكل واحد زرعت فيه مفهوم الدعوة .. وازاي انه ده باب نشر الاسلام .. فكيف نغفل عنه ؟!.. طاب تخيل كده صحيفة زي صحيفة عمرو بن العاص .. يااه .. ده لامم كل اعمال المصريين من قرون .. طاب عارف صحيفة النجاشي ؟ .. هذا من اقنع عمرو بن العاص بالاسلام !

كلنا عارفين قصة زانية بني اسرائيل التي سقت كلبا ..فغفر الله لها وادخلها الجنة .. مجرد انقذت كلب من العطش .. فكيف يكون اجر من انقذ انسانا من ظلمات جهنم وهداه الى النور الايمان والجنة ..؟

تعالى نتخيل حال المدينة المنورة بعد موت رسول الله صلى الله عليه وسلم .. بعقليتنا ..نقول احنا افضل حاجة نقعد في المدينة .. الصلاة فيها بألف صلاة .. ونتذكر النبي .. ونأنس بمدينة الهجرة .. او ممكن واحد يقول انا هاقعد في مكة .. اطوف واعمل عمرة براحتى .. والصلاة فيها بمئة الف ..
لكن الصحابة رضوان الله عليهم ماعملوش كده خالص !!

حد يعرف انه في مصر وحدها .. مدفون حوالي 5000 صحابي ؟ .. هما كلهم خرجوا كده ليه ؟؟ سابوا الفضل العظيم في جوار النبي .. ومشيوا على فين وليه ؟ اكيد هما شافوا ما هو افضل .. واعظم اجرا ..!

نشر الاسلام .. وتعليم اهل البلاد الجديدة الدين .. والصبر على نشر عقائده وعلومه .. افضل بكثير !! بكثير جدا ..!

حد فينا بيفكر زيهم ؟

16 تعليقات:

yousef يقول...

عزيزى أقدر مشاعرك التى تحملها لديننا الحنيف الا اننا قبل ان ندعو غير المسلمين للاسلام علينا بداية ان ندعوا المسلمين للعودة الى الاسلام بعد أن أصبح الاسلام بيننا مجرد اسم نحمله لا أكثر فكم من بيننا من اسمه محمد وعبدالله وغيرهم الا ان الفعل والاسلوب يشير الى انه ليشع او كوهين
اضم صوتى الى صوتك ولكن لنتكاتف اولا لعودة الدين ليسود بين صفوفنا
يا ريت تنور مدونتى
regards

الديب يقول...

أتفق معك تماما

دعوة المسلمين اولى طبعا

أميرة يقول...

خاطرة مهمة لم أفكر فيها من قبل .. جزاك الله كل خير عنها .. نحن المسلمون للأسف غفلنا عن الكثير من واجباتنا تجاه ديننا

labido يقول...

جزاك الله كل خير ..
وذكر فان الذكري تنفع .... المؤمنين..
جعلها الله في ميزان حسانتك

صاحب البوابــة يقول...

جزاك الله خيراً

خاطرة دعوية جميلة جدا

وبالفعل الدعوة الى الاسلام هي اساس عقيدتنا

تحياتي اخي الكريم

شــــمـس الديـن يقول...

السلام عليكم و رحمة الله و بركاتة

اتفق مع حضرتك تماما فيما تقول
و لكني اتفق مع الفاضل yousef فيما قاله انه اولي ان نأصل الاسلام بيننا لانه و للاسف كثيرين ظنوا ان الاسلام مجرد صلاة و صوم و لكن لا ينعكس علي التصرفات شئ

المشكلة كمان اسلوب الدعوة ... لان ممكن الواحد يفتي بدون علم ... ممكن يتحدث بطريقة تسئ اكثر منها تدعوا , يعني امثلة كتيرة جدا و خاصة في عربة النساء قي المترو تجد امراة تصيح بالنساء علي الفراضئ باسلوب فعلا قمئ و يثير حنقي انا شخصيا رغم ان ما تقوله جيد و لكن الاسلوب نفسة سئ للغاية

الموضوع فعلا كبير و ساعات ممكن ناس تسئ بحن نيه للدعوة !

ana ga3an يقول...

في احدي المرات كنت في حوار مع ملحد من احدي دول الاتحاد السوفيتي السابق
تطرق بنا الحوار الي سؤالة عن لماذا في بعض الاوقات يشعر انة يحتاج الي ان يساعد الاخريين و يحس بالرضي عن نفسة اذا ساعد احدا في ضائقة او مشكلة او حتي مساعدة عجوز علي عبور الطريق
بالرغم من انة مبدأة في الحياة ان اعيش لنفسي و لنفسي فقط
و ان استمتع بكل لحظة في حياتي لان بعد ان اموت اصبح كورقة شجر سقطت في الخريف ولا تعود الي مكانها

كان ردي علية بسيط
لان بفعلك هدا تعود الي خالقك
فكما السيارة مهما تطورت فهي في حاجة الي الانسان لصيانتها وهي كسائر ما صنع الانسان يجب ان يعود الية لصيانتة و استمرار دورة حياتة
وهكذا الانسان يجب ان يعود الي ربة من ان لاخر حتي يجدد نفسة
ففي مساعدة الخلق قرب من الخالق وازاحة عبء عن النفس من الحياة المنفردة
هذا الرجل الان مسلم ويعيش في تورينو ايطاليا ونتقابل عندما يحضر الي مصر واسلم علي يدية حتي الان 250 انسان
يعود الفضل لاسلامة لاحد الدعاة الكنديين
اعذرني يا طارق اطلت لكن موضوعك مشوق ولة اوجة عديدة

أُكتب بالرصاص يقول...

قرئتها على السريع ...
بس هأرجع نتكلم فيها تاني

بس بصراحة
جزاك الله خيرا

الديب يقول...

أميرة

جزانا وإياكم .. المهم نحاول نطبق ..باسلوب كويس زي ما شمس الدين بتقول ..

--------------

لابيدو

جزانا وإياكم .. فعلا ..التذكرة مهمة ..حتى لو كنت تعلم هذا الكلام .. فالعلم شيء نحتاجه .. والتذكرة شيء مختلف للاسف غفلنا عنه بعض الشيء

----------------

صاحب البوابة

ربنا يكرمك يا سيدي .. جزانا واياكم ..
:)

الديب يقول...

شمس الدين

فينك من زمان ؟
فعلا .. اتفق انا ايضا مع يوسف .. لكن دعوة المسلمين لا يجب ان تنسينا دورنا الاخر في دعوة البشرية لدين التوحيد

وما أرسلناك إلا رحمة للعالمين

يعني مش للمسلمين بس!! .. وطالما ان الرسول هو خاتم النبيين .. فشرف الدعوة محصور في أتباعه

عندك حق تماما .. بخصوص الاسلوب .. وانا باسمع ساعات من والدتي عن المواقف التي يقصد منها الدعوة بين النساء .. عندما تنقلب الى خناقة

اظن اننا عندنا مشلكة كبيرة فعلا ..

جزاكي الله خيرا اختى الكريمة

الديب يقول...

أنا جعان

ايه ده
؟؟

ده انت طلعت شيخ أهه
!!

:)

والله عندك حق ..الواحد لما بيدخل في الاسلام .. بتلاقيه ماشي في الدعوة حلاوة .. لانه أحس بنعمة الاسلام .. لانه فعلا ذاق طعم حلاوة الايمان .. وشاف طريق تستقيم عليه حياته

للاسف .. احنا مش حاسسين بالنعمة دي زيهم ..

اللهم ارزقنا ايمانا نجد حلاوته في قلوبنا
اللهم استخدمنا ولا تستبدلنا ..

---------------------
أكتب بالرصاص

مستنيك يا باشا

eldoctor يقول...

دعوة المسلم لفهم الاسلام .. اصعب الف مرة من دعوة غير المسلم !!!
و المصيبة ليست فى عموم الناس بل فى المصايب اللى فاكرين انهم فاهمين الدين أكثر من الرسول نفسه
يعنى عنك كام فرقة طالعة تجيب الضغط فيه مثلا القرأنيون دول مش بعترفوا بالسنة و بيقولوا ان الاحكام و ثوابت الدين هى الموجودة فقط فى القرأن .. لهم منتدى و مواقع كتير و دخلت معاهم فى حوارات .. رجدوى منها لانهم... يجيبوا الضغط..
و عندك فرقة المختلين عقليا ,, نوال السعداوى و القمنى و جمال البنا ...و الترابى بتاع السودان ... دول من خريجى مستشفى العبسية ... و مفيش فايدة فى الحوار معاهم برضه ..
اما فقهاء السلاطين ... فدول اخطر و اخطر لان خطرهم على بسطاء الناس و العامة ...
ربنا يستر علينا

الديب يقول...

اتفق معك يا دوكتور

..

لكن يظل بيان الحق للمسلمين أولى ..
ربنا يستر
!!

سعد يقول...

بارك الله فيك اخى طارق

وعلى فكرة انا متابعك من زمان وبحب ادخل على البلوج كل فترة لمتابعة جديدك المتجدد دائما

الى الامام ان شاء الله

الديب يقول...

جزاك الله خيرا يا سعد

انت تنور يا باشا
:)

باب البحر يقول...

جزاكم الله خيرا أخي .. خاطرة رائعة.

هوه لو كنا بنفكر زيهم كان حالنا هوه ده !!

فكرنا الأناني بيخليني أنا و غيري نفضل نفسنا على غيرنا .. احنا مش طايقين بعض لا في مواصلات و لا في أي مكان . مع ان تفضيل المسلم على نفسي أول طريق الإيمان.

عذرنا ان الزمن غير الزمن .. و الفتن أكتر (زي ما اخبرنا الرسول عليه الصلاة و السلام) .. لكن في الاخر . كله من أعمالي

استغفر الله و أتوب إليه.