هل من تم شنقه هو صدام الحقيقي؟
السلام عليكم
تساؤل مهم جدا .. هل صدام حسين هو من تم القبض عليه و محاكمته ثم شنقه؟؟
طبعا سيادتك : هاتقوللي :
أكيــــــــــــــــــــد
انا الحقيقة متحير جدا .. و مش عارف حاجة .. و كل شيء جايز .. بعد ما قريت الصفحة دي
هنـــــا
و ليه لأ؟ ..ماحنا عارفين من زمان ان صدام ليه أكثر من شبيه .. و ساعات كانوا بيطلعوا في وسائل الاعلام ..
ده مش صدام و بس .. ده ولاده كمان عندهم داء الاشباه برده ..
عدي صدام كان عنده شبيه .. اسمه الحقيقي لطيف يحيي ..لطيف ده بقى عرف يهرب من العراق و راح أوربا.. و هناك ألف كتب و عمل لقاءات عن تجربته مع عدي صدام حسين .. ده مثلا خبر من البي بي سي عن الموضوع
مصدر الخبر
المهم .. ادخلوا على الصفحة بتاعت الموضوع ..
و سمعوني أراءكم
اللينك أهه تاني
هنـــــا
السلام عليكم
اللينكات تم تغييرها لان الموقع الاول تم حذفه .. دلوقتي اللينكات شغالة
14 تعليقات:
ما استطيع قولة
هو وجود نقاط و ثغرات في الموضوع مثل
لماذا لم يعترض الشبية عند اعدامةو يقول انا الشبية
ده اعدام مش لعب عيال
يمكن المناقشة بالايحاء المغناطيسي
بحيث يعتقد انة فعلا صدام
و يقال ان هتلر استخدم هذه الحيلة
و لماذا لا يعترض صدام و يقال اناحي
يأتي الرد الجاهز انه يعمل فخ لامريكا
فكيف تعدم امريكا شخص و هي تعلم ان الشخص الحقيقي يمكنه فضيحتها في اي وقت
أخى الكريم
أولا بحبك فى الله
ثانيا بمعرفتى بتايخ صدام , اقولك لك أخى ان من دخل بهذه البطولة الى المقصلة , والجبن يحيط به داخل اقنعه , تكشف اكثر مما تخفى , ونطق بالشهاده بثبات , هو صدام حسين
وتقبل تحياتى
السلام عليكم ..
عمرو سليم ..
فعلا .. هناك نقك محيرة أو ثغرات كما تسميها ..
بالنسبة لسؤالك الاول .. ممكن تقول ان الشبيه -ان كان شبيه- ماكانش يعرف ان الموضوع هايقلب باعدام بجد .. او انها تمثيليةأمريكية من الاول للاخر .. و ماحدث اعدم من الاساس .. خد بالك من حاجة .. القول بان أحد المسؤلين العراقيين كان حاضر وقت الاعدام و صور الاعدام بالموبايل و تم تسريب الفيديو ..ده برده كلام مايدخلش العقل .. لان مكان زي ده بيكون متأمن جامد جدا .. مافيش حاجة اسمها تسريب .. كمان فيديو الموبايلات بيكون جودته وحشة جدا .. يعني يسهل تزويره او حتى افتعاله ..
انا مش مع الكلام اللي في الصفحة ان صدام لم يتم اعدامه .. لكن باقول ان مافيش اي حاجة مؤكدة ..
اما لنقطتك التانية .. ليه صدام ماتكلمش .. فيه اكتر من اجابة .. يا إما انه مات .. يا إما انه خايف يفضح نفسه او يدل الامريكان ليه ..
برده مافيش حاجة مؤكدة بالمرة ..
الله أعلم ..
----------
أخي العزيز هاني ..
احبك الله الذي أحببتني فيه ..
عندك جق .. الثبات عند اللحظة دي صعب جدا ..
من الملحوظات الظريفة .. انه عادة السينما المصرية لما بتصور مشهد الاعدام .. بيكون المتهم مغطي راسه .. والمنفذين للحكم راسهم باينه .. أما مع صدام فالوضع معكوس !
لكن أرجع وأقولك ..
الله اعلم بالذي حدث .. يمكن كلها تكون تمثيل في تمثيل .. والممثلين كانوا مغطيين رؤوسهم ..
الله أعلم !
السلام عليكم
انا معترضه جدا على ان الذى اعدم ليس صدام انا متأكدة انه صدام واظن ان الموقع اللى كتب هذه المقاله من اعداء صدام حسين لما حظى به صدام من تعاطف العالم وانه اصبح اسطورة بسبب ثباته عند الشنق مع ان اى انسان لو حتى ذاهب يعمل عمليه بسيطه بيكون فى منتهى الرعب مابالك بشخص يعلم انه هايموت حالا وهو فى كل هذا الثبات وايضا قوله الشهادة بثبات قد ايه الرجل دة بجد جعلنى اشعر انه رجل فى زمن قل فيه الرجال
انا بعتذر عن تعليقى السابق ان اللى كتب المقال واحد من اعداء صدام لانى لم اكن قراته بعد بس بعد ماقراته اكتشفت انه واحد بيحب صدام قوى وعايز يقنع نفسه قبل مايقنعنا انه ليس صدام الذى شنق
السلام عليكم
الحقيقة انا شفت الصفحة دي من ييجي سنة ,,
طبعا لازمها تحديث لتفسير واقعة الإعدام !
بس هي بجد من الحاجات الي اتعبت مخي لما قرأتها ,, بتخلي الواحد يحس بغباء فظيع يليه شعور قوي بالصداع !
علشان كدة انا تقريبا ليس لي رأي في موضوع صدام حسين ومواضيع تانية كتير زي 11 سبتمبر واسامة بن لادن والافلام الامريكاني
تحياتي
علي فكره انا شكيت في نفس الموضوع مش بعيد الله اعلم
أختى رفقة عمر
حصل خير
!!
-----------------
اختى علا
هو فعلا الموضوع محير .
بس الغرض منه عدم الرضوخ للقدرة الاعلامية الامريكية .. ايوة الموضوع يتعب فعلا .. ويجيب صداع ..
بس لازم مانستسلمش للرؤية الامريكية .. بل ونعرض الرؤية الاخرى ومناقشتها .. مع احتمالية انها هي الاخرى تكون على غير الحق ..
لكن بلاش نستسلم !
جزاكي الله خيرا
---------------------
كوكاوي ...
اهلا بيك في مدونتي المتواضعة ..
فعلا .. الله أعلم
يا طارق
سواء الذي اعدم صدام الحقيقي او كومبارس
ما هي النتيجة
نفنط الحكاية بالمختصر
فاذا كان المشنوق ليس صدام الحقيقي
هل معني دة ان صدام الحقيقي هايخرج فجأة و يقول انا هو
ويدافع ضد الاحتلال
هيهات يا اخي
اما اذا كان المعدم صدام الحقيقي
فقد نال القصاص الحق لامثالة
فقد قتل بيد كيان ظالم مثلة
وما ظهر من ثبات اثناء الاعدام ما هو الا يقايا كبرياء ابي ان ينحني في لحظاتة الاخيرة
صدام معروف منذ شبابة بقوة التحمل و الثبات في اشدج المواقف
وراجع لنشأتة العسكرية و عملة مع حزب البعث و التدريبات مع الخبراء الاجانب
لقوة التحمل ثواء اثناء الاستجوابات او المعارك او الاثر
فهناك حادثة معروفة لة في السبعينات
عندما دخلت رصاصة في كتفة و اخرجها بنفسة بسكين بدون اي تخدير و دون ان يطلق اة واحدة
علي اي حال اي كان من اعدم
فالظاهر للعالم ان صدام شنق
ولن تتغير الحقيقة الظاهرة
الا بقرار امريكي صهيوني
فتح الموضوع ده بيحرقلى دمى
يا جماعة خلاص بقينا واخدين على قفانا
للدرجة ديه
عايزين نطّلع كذبة مضحكة بجد تثير الإشفاق على العقول اللى مصدقاها
كان هو ..كان صوته
و كبرياء ملك
و قوته و جبروته و جنونه
عايزين نضحك على نفسنا بقى عشان منطلعش واخدين على قفانا ديه حاجة تانية
السلام عليكم
انا جعان باشا ..
تفنيط جميل ..
لكن ما اريد قوله ان تلك الصورة الظاهرية عليها الكثير من علانات الاستفهام .. وقد تحتمل الخطأ .. ايوة هي اللي باينة والناس مصدقاها .. بس الرضوخ التامللقدرة الاعلامية الامريكية مش صح
--------------------
يارا
احنا أكيد واخدين على قفانا .. لا أحد ينكر هذا.. والموضوع مالوش علاقة بالنقطة دي تماما ..
الموضوع محدد في قضية صدام .. هل هي حقيقية ام تمثيل .. بس كده
السلام عليكم
إللى مات صدام يا جماعة
بنتكلم فى إيه؟؟؟
وواضح جداً إن الفرووق بين الصور متركبة
بدليل إن نفس الصور بتظهر مرة بالشامة وفرقة الشعر القديمة و نفس الصورة بترجع تظهر بالشكل اللى إحنا عارفينه لصدام
أخر خبر سمعته
ان ابويا له شبيه
يا عم فكك من الاشباح شبيه ميين
صدام شجاع وحسنى جبان
فرق كبير بين الاثنين
إرسال تعليق