فلسطين: المرء مع من يبوس

السلام عليكم

لما حركة حماس مسكت الحكومة من فترة .. السلطة برياسة عباس و حركة فتح حسوا ان البساط اتسحب من تحتيهم ...

السبوبة بتاعتهم انقطعت ..

الاموال والمساعدات اللي بينهبوها راحت ..

في الأول كشروا في وش حماس .. وقالوا لما نشوف هاتعمل ايه ..
و شككوا في مقدرة حماس على ادارة الدولة ..

شوية .. و لقوا الامور ماشية سليم ..

بدأوا بمضايقات .. و تحرشات ..

عباس بدأ يتعجرف .. و قاللك دي سلطتي و دي سلطتهم ..
ده حقي وده حقهم .. ياعم دي حكومة منتخبة .. مش خصم معاك على الارض !

دعوة فتح للشعب الفلسطيني لعصيان مدني .. وإضراب ..

حصار اقتصادي لحماس ..

مقابلات خارجية لعباس .. كأن مافيش حاجة اسمها وزارة الخارجية الفلسطينية ..

كأن كل دور حكومة حماس انها تخلق فلوس للعمال والموظفين و يا ويلها لو اخفقك ..

أخد عباس لنفسه كل مزايا الحكم .. و ساب لحماس كل القرف ووجع الدماغ ..

شوية واسرائيل دخلت في صف عباس ...
اعتقال للوزراء ..
قصف متكرر .. لنشر فكرة فشل حماس ..
والكثير من القتلى !

بعد شويتين .. بعد حرب لبنان

ضغط عباس على حماس انهم يعملوا حكومة وحدة وطنية ..
وافقك حماس .. وليتها ما فعلت ..

دخلوا في مناقشات وحوارات حول تلك الحكومة المزعومة ..

عباس بدأ يشم ريحة السبوبة القديمة ..
ريحة الفلوس اللي كان بينهبها ..
تشجيع امريكي عربي ..

زاد حد العجرفة ...
زاد طبع الخيانة ..

ساعات يقول تم تعليق النقاشات مع حماس حول تشكيل حكومة الوحدة الوطنية ..
و حماس باقت هي اللي تنفي .. هي اللي بدأت تجري ورا عباس ...
واضح ان عباس لعبها صح ...

و بدأ يتشرط .. و يتنك ...

والكورة باقت في ملعبه ان صح التعبير ..

كل ده و المفروض ان حماس هي الحكومة المنتخبة !

..
..
..
سيبكوا بقى من الكلام ده ..

تعالو نشوف البوسة دي ..

ودي بقى ..

صحيح ..المرء مع من يبوس !

اه .. نسيت الصورة العائلية الظريفة دي
..واضح ان في عاطفة جياشة بين افراد تلك الأسرة ..


اللهم اقم بنا دولتك
وارفع من بيننا لوائك
وحكم فينا شريعتك
اللهم استخدمنا ولا تستبدلنا

أمين