الاقصى
من أفضل ما كتبت >> مفهوم الدولة الدينية - تجربتي مع الجيش - فرق الموت الشيعية - يحبهم ويحبونه - خاطرة دعوية

سبتمبر ١٨، ٢٠٠٦

ويندوز فيستا 5600 بالصور


السلام عليكم
بعد يومين من الداونلود المستمر .. نزل أخيرا نسخة الزمالة من ويندوز فيستا
Windows Vista RC1 Build 5600 x64 Edition
و اليكم بعض الصور ..
دي طبعا أول صورة .. بعد الانستال .. و بعد ما الويندوز خد وقت كتير في البوت بتاعه ..

الحقيقة كانت بدايتي مش مفرحة .. يادوب بعد نص دقيقة برنامج الاكسبلورر بتاع الويندوز ضرب .. واداني الرسالة دي .. هي صحيح رسالة شيك أوي و بتتحرك .. لكنه يفضل أرور !


طبعا أول حاجة الواحد بيبص عليها هي الستارت مينيو ..

الزرار اللي شكله باور ده .. أول ما دسته قام عامل sleep سريع قوي .. و لما فتحت الجهاز تاني .. في كام ثانية بس كانت الويندوز قايمة ... المهم ان ده مش زرار الشات داون ! .. انما الشات داون و الريستارت و الهايبرنيت ..كل دول من السهم الصغير اللي جنب القفل ..
طاب ايه بقى القفل ..؟؟ ويندوز بدأت تقلد اللينوكس .. ده lock بحيث لما تقوم من الجهاز و مش عايز تطفيه ولا عايز حد يلعبلك فيه .. تعمله لوك !
دي صورة تانية برده للستارت مينيو ..

بعد كده بصيت على الديسك توب .. لاقيت فيه زرار جديد جنب الزرار التقليدي ShowDesktop ..

ده بالظبط زي ما بتدوس Alt+Tab للانتقال ما بين الويندوهات المفتوحة .. لما تدوس الزرار بيظهرلك برده مربع صغير في نص الشاشة كده ..


نخش بقى على My Computer ..و تلاقي سيادتك ان منظر الفولدرات اتغير تماما .. بجد .. مايكروسوفت اتنظفت قوي ..

و لما تدخل فولدر بتاع صور .. هاتلاقي ثامنيلز .. عادي .. بس اللي مش عادي انك ممكن تغير حجمهم لو عايز .. حركة صايعة برده .. تحسب لاونكل جيتس !

نيجي بقى على قصص النتوورك .. انا بالنسبة لي لما كنت باحب اشوف مين معايا على النتوورك .. كانتالويندوز اكس بي بتهنج أو بتقفش كده .. لحد ما تقوللي مين على النتوورك .. مع فيستا الوضع مختلف تماما .. زائد ان الويندوز اكتشفت ان فيه أكتر من راوتر .. العلم نور برده .. !

لو دققت في الصورة اللي فاتت هاتلاقي زرار اسمه 'Add a wireless device' .. دي خاصية جديدة لسة تحت التطوير شوية .. لكن فيستا بتدعمها .. الغرض منها انك ممكن توصل كاميرا او برنتر مثلا عن طريق الواي فاي .. و لدواعي الامن (حلوة الكلمة دي ) بيتم اضافة الجهاز على النتوورك عن طريق دنجل يو اس بي او رقم سري خاص .. ما علينا ..
جيت بقى افتح الانترنت .. طبعا نترنت اكسبلورر 7 .. شكله كويس .. بس لسة ماستعملتوش .. لكن الحمد لله .. فيه Rss اخيرا .. و تابات ..و نبات .. وكده يعني !
بسبب التنافس – العداء يعني – بين مايكروسوف و جوجل .. تلاقي سيادتك الصفحة الرئيسية في فيستا هي صفحة البحث الجديدة بتاعت مايكروسوفت

حاولت اشغل حاجة بالميديا بلاير .. الحقيقة ماعجبنيش .. بالظبط زي اخواته اللي قبل كده .. بس عمل حركة مش ظريفة .. انه دخل على النت لوحده و جابلي حبة ألبومات و أغاني جديدة .. بقى ده كلام ؟! .. كمان لاحظت ان أغلب ال Visualizations على شكل نجمة اسرائيل .. عشان كده مش هاحطله صورة .
بس اللي حلو بجد .. ال Windows Media Center ده اللي بينظملك الصور .. بيعرض دي في دي ..بيسجل من كارت الديش أو التليفزيون ..و حاجات من النوع ده ..

بعد كده .. جربت أشغل جيمز .. بالمناسبة .. انا لسة ما صطبتش كارت الشاشة ... بس على غير المتوقع اللعب اشتغلت .. جربت Fifa WorldCup 2006 و لعبة تانية عبيطة .. الاتنين اشتغلوا ..
أخر حاجة بقى .. من اعماق الكونترول بانل .. في أوبشن بيقيم أداء جهازك .. و يديله سكور .. و ممكن تقارن نفسك أونلاين .. بس مانصحكش .. لانك هاتحس ان الكومبيوتر بتاعك أخره ان بتاع الروبابيكيا يقبله كهدية ! .. كمان ممكن يعملك ريبورت عن حالة جهازك .. Reliability and Performance Monitor ده بقى هايجيبلك مصارين الكومبيوتر اللي عمرك ما شفتها ..
طيب :: ازاي تجيب سورس الويندوز فيستا .. اتهيألي هاتلاقيها على مواقع التورنت بس خد بالك من رقم النسخة .. Build 5600 ..دي اخر واحدة .. لانك هاتلاقي نسخ كتير أوي قبلها .. برده هاتحتاج سيريال .. معرفش بقى .. اتصرف انت .. انا عن نفسي .. اكمني يعني بيتا تستر في مايكروسوف .. هما اللي بعتولي لينكات التنزيل و باسوورد خاص بي ..
يا رب أكون أفادتكو .. و متعتكو ..
السلام عليكم

10 تعليقات:

حائر في دنيا الله يقول...

مجهود رائع بكل أمانة وتستحق عليه الإطراء
والونيدوز الجديد دا شكله انضف وأحسن وربنا ييسر ونجيبه بقه

Suleihi يقول...

شكرا اخي على التقرير
بس ممكن تخبرني مواصفات جهازك؟

الديب يقول...

أخي حائر .. شكرا يا باشا

الصليحي .. شوف يا سيدي

انا عندي بروسيسر
AMD64 2800+
دي اول حاجة 64 نزلت السوق
رامات 512
كارت جي فورس 4000 فيه 128 ميجا رام

السلام عليكم

HANY يقول...

اخى الكريم
اثناء اعدادى للشكل الجديد لمدونتى قررت ان اكتب المدونات التى اظن ان بها مضمون قد ينفع الزائر وكانت مدونتك احداها

انا شفت النسخه بتاع الفيستا بس النسخه الرسمية لسه منزلتشى
وعموما جهازى مش هينفع يشغلها لان الرامات عندى 265 بس
ورمضان كريم وتقبل تحياتى

الديب يقول...

جزاك الله خيرا يا هاني ..

و مبروك على المدونة يا باشا

الديب يقول...

Salamo alaykom .. Hamza !

yeah, Microsoft steals a lot !

Mac's sidebar .. gadgets .. all copied to windows ..!

Linux's several desktops .. also copied ..with many other stuff !

---

yes .. i claim i want an islamic country .. and it will rise up soon ..just as Mohammad -PBUH- said !

how is this envolved with writing in a local arabic axent ?

Islam is not only for arabs ! .. language never was a limit facing Islam spread !

Salamo alaykom :)

الديب يقول...

حمزة موسى

رأيك صحيح 100 في ال 100

جزاك الله خيرا

ana ga3an يقول...

يا بشمهندس لو عندك ملف تورنت و انت ضامنة نحمل منة نسخة الويندوز دي يا ريت ترفعة

Mohamed Moshrif يقول...

180 degrees change in opinion?

الديب يقول...

No ..it's only a 30 degree :P

The betas had no harsh HW restrictions and i think they were of a better performance .. mostly an XP with a new style which i like ..